Բառարանի տեսակները

Բառարանային մեգաֆլեշմոբյան նյութ

Բառարանը որոշ (մեծամասամբ այբբենական,ժամանակագրական,կարևորությամբ դասված) հերթականությամբ շարված բառերի պահոց է, ամեն բառ իր բացատրությամբ,թարգմանությամբ,համանիշ-հոմանիշ-հականիշներով կամ ստուգաբանությամբ։

• Ծավալային տեսակները Ըստ բառերի քանակի կամ ըստ բառահոդվածի ծավալի՝ ընդարձակ բառարան, և համառոտ բառարան։

 

• Ըստ կիրառման տեսակները Ըստ գործնական կամ այլ նպատակադրման՝ դպրոցական բառարան, նաև՝ առձեռն բառարան, տեղեկատու բառարան։

 

• Ըստ գիտական (բառաքննական) մշակվածության՝ ակադեմիական բառարան։ Ակադեմիական բառարանը բացատրական բառարանի տարատեսակ է, որտեղ բացատրությունների հիմքում ընկած են լինում բառային երևույթների գիտական քննությամբ վերհանված նորմաները: Բնորոշվում է բառի նշանակության մանրամասն բացատրություններով և գրական վկայություններով, հոմանիշների, ոճերի ընդգրկմամբ, բառապաշարային շերտերի ու քերականական նշումներով:

• Ըստ լեզուների ընդգրկման՝ միալեզվյան բառարան, եթե վերաբերում է մեկ լեզվի բառամթերքին, երկլեզվյան բառարան, եթե վերաբերում է երկու լեզուների բառամթերքին, բազմալեզվյան բառարան, եթե բառամթերքը շատ լեզուների է վերաբերում։ Վերջին երկու տիպի բառարանները սովորաբար թարգմանական բնույթի են լինում։ Կան նաև՝ համեմատական բառարան, զուգադրական բառարան և այլն։