1. Լրացնել բաց թողնված տառերը:
Մի առավոտ, երբ նոր էր շամանդաղն անէացել, և արևի ոսկեդեղձան շողքերը նոր էին սփռվել աշխարհի վրա, զմրուխտյա մարգագետնում հավաքվեցին ծաղիկները` վարդը, մեխակը, հասմիկը, հիրիկը, հալևորուկը, նարդոսը, շուշանը, անմոռուկը և ընդհանրապես բոլորը` որոշելու` ով է լինելու իրենց թագավորը։ Հարցը հետաքրքրել էր ամենքին, ողջ տիեզերքին։ Անհամբեր ժպտում էին բորբ արփին, լուրթ երկինքը, բարձունքներից ակնդետ նայում էր արծիվը, թխկիների ու սոճիների ստվերում նստել էին առյուծը, վագրը, արջը, իսկ խմբված ծաղիկների մեջ վխտում էին թռչունները` տատրակը, առտույտը, փասիանները, արագիլները, բուերը` բոլորն ապշած ու հափշտակված ծաղիկների նրբությամբ, բույրով ու թույրերով, պչրանքով ու սեթևեթանքով։ Իսկ ծաղիկները, հասկանալով հարցի կարևորությունը, էլ ավելի էին զարդարվել ու պճնվել, սփռել արբեցնող բուրմունք` մարգագետինը դարձնելով զարդանախշ գորգ։ Վերջապես սկսվեց քվեարկությունը, և ծաղիկները բաժանվեցին երկու խմբի` մեխակի և վարդի կողմնակիցների։ Ներբողեցին մեկի սլացիկ հասակը, գանգուր գլուխը, մյուսի` շքեղաշուք տեսքը, թովչանքը, վառվռուն գույները։ Քվեարկությամբ անցավ վարդը և շառագունելով հաճույքից` բարձրացրեց նրբանուրբ գլուխը։
2. Հետևյալ բառերը ենթարկել բառակազմական վերլուծության`
վաշխառու, աշխարհայացք, սրածված, անարգանք, ընկեր, ձերբազատվել, չնաշխարհիկ, անկապտելի, բանսարկու, զարտուղի։
վաշխառու = վաշխ + առու (բարդ բառ), աշխարհայացք = աշխարհ + հայաց + ք (բարդածանցավոր բառ), սրածված = սուր + ածել (բարդ բառ), անարգանք = ան + արգ + անք (պարզածանցավոր բառ), ընկեր = ընդ + կեր (ածանցավոր բառ), ձերբազատվել = ձերբ + ազատվել (բարդ բառ), չնաշխարհիկ = չին + աշխարհ + իկ (բարդածանցավոր բառ), անկապտելի = ան + կապտ + ելի (պարզածանցավոր բառ), բանսարկու = բան + սարկ + ու (բարդածանցավոր բառ), զարտուղի = զ + արտ + ուղի (բարդ բառ):
3. Տեքստը զտել ավելորդ բառերից, ուղղել, խմբագրել:
Ես երեկ գնացել էի գրադարան: Գրադարանում հանդիպեցի ընկերոջս, որին երկար ժամանակ չէի հանդիպել: Մենք ողջագուրվեցինք: Նա պատմեց, որ ինքը վերջին մի քանի ամիսն անցկացրել է Փարիզում, եղել էտեդարժան վայրերում, հիացել է իր տեսածով: Ինքը շատ բան է սովորել այդ հրաշքների քաղաքում։ Եղել է քաղաքի թանգարաններում, տեսել է այնպիսի բաներ, որոնց մասին պատկերացում իսկ չուներ։ Նա խորհուրդ տվեց ինձ անպայման այցելել Փարիզ:
Երեկ գնացել էի գրադարան: Գրադարանում հանդիպեցի ընկերոջս, ում երկար ժամանակ չէի տեսել: Մենք ողջագուրվեցինք: Նա պատմեց, որ վերջին մի քանի ամիսն անցկացրել է Փարիզում, եղել է տեսարժան վայրերում, հիացել իր տեսածով: Շատ բան է սովորել այդ հրաշքների քաղաքում, եղել է քաղաքի թանգարաններում, տեսել այնպիսի բաներ, որոնց մասին պատկերացում իսկ չուներ։ Նա ինձ խորհուրդ տվեց անպայման այցելել Փարիզ:
4. Կապույտ և Գարուն բառերը նախադասությունների մեջ գործածել ուղիղ և փոխաբերական իմաստներով։
1ա. Նա տատիկին խնդրեց արդուկել կապույտ շրջազգեստը իր փոխարեն, քանզի ուշանում էր։
1բ. Մուրացիկի երգերը կապույտով էին լցրել առանց այդ էլ մռայլ փողոցը։
2ա. Նորապսակները գարնանը պատրաստվում էին գնել իրենց առաջին բնակարանը։
2բ. Շունը տեսնում էր թե ինչպես է տիրոջ տիրոջ աչքերում գարուն գալիս։
Արեգ Սերոբյան 