Ապրիլի 12-ին ժամը 1-ին կրթահամալիրի մայր դպրոցի փոքր դահլիճում տեղի ունեցավ երեք ակումբների կազմակերպած քննարկումը։ Թեման ֆեմինիզմն էր, մասնավորապես Հայաստանում։ Հանդիպմանը ներկա էին և գաղափարախոսության ջատագովները, և նրանք, ովքեր անհամաձայնություններ ունեին ֆեմինիզմի այս կամ այն պնդման հետ։ Կային նաև մարդիկ, ովքեր եկել էին հանդիպմանը տարբեր կարծիքներ և փաստարկներ լսելու, և իրենց վերջնական դիրքորոշումը ձևավորելու համար։ Դրականն այն էր, որ հանդիպման ամբողջ ընթացքում բոլորը կառուցողական էին տրամադրված, և բոլորը ցանկացողները հասցնում էին իրենց փաստարկները ներկայացնել և նույնիսկ անձնական փորձից օրինակներ բերել։ Ըստ իս հանդիպումն ստացված էր, և օգնեց մարդկանց հասկանալու մյուս կողմի դիրքորոշումը, լսել իրար, վերանայել իրենց հայացքները։